सञ्चार उद्यमीको हत्याको विरोधमा जुलुस प्रदर्शन

सिन्धुपाल्चोक,२० फागुन
जनकपुरका संचार उद्यमी अरुण सिंहानियाको हत्याको विरोधमा ०६६ फागुण २० गते विहान नेपाल पत्रकार महांसंघ जिल्ला शाखा सिन्धुपाल्चोकले सदरमुकाम चौतारामा विरोध जुलुस प्रदशन गर्‍यो ।पत्रकार, मानवअधिकारकर्मी, वकीललगायत विभिन्न पेशाकर्मीहरु संलग्न भएको जुलुस चौतारास्थित प्रेस चोकबाट शुरु भई टुँडिखेल चोकमा पुगी कोणसभामा परिणत भएको थियो ।

कोणसभामा बोल्दै इन्सेक जिल्ला प्रतिनिधि, गैसस महासंघका जिल्ला अध्यक्ष, नेपाल वारका जिल्ला सचिव, उद्योग वाणिज्य महासंघका जिल्ला सचिव लगायतले घटनाका दोषीहरुलाई कार्वाहीको माग गरे ।यसैगरी, धादिङमा नेपाल पत्रकार महासंघले सरकारले संचारकर्मीहरुको दिनदिनै हत्याका घटना भइरहेको र सुरक्षा दिन नसकेको भन्दै सुरक्षाको माग सहितको ज्ञापनपत्र ०६६ फागुन १९ गते नेपाल सरकारलाई प्रमुख जिल्ला अधिकारीमार्फत बुझाइएको जानकारी प्राप्त भएको छ।