तराईमा आज होली

काठमाडौं ,१७ फागुन
आपसी मेलमिलाप र सदभावको सन्देशका साथ होली पर्व सोमबार तराई क्षेत्रमा परम्परागत रूपमा विभिन्न रङ, अविर र लोला खेली मनाइदैछ । पहाडी क्षेत्रमा भने आइतबार होली मनाईएको थियो । सडक, गल्ली, चोक र घर-घरमा आफन्त र साथभाइसँग रङ छ्यापेर तथा अविर दलेर होली मनाउनेहरु प्रशस्त देखिन्छन् ।

होलीका अवसरमा विभिन्न संघसंस्थाहरुले शुभकामना आदान प्रदान र साँस्कृतिक कार्यक्रम आयोजना गरेका छन् ।होली पर्वका उपलक्ष्यमा सरकारले सार्वजनिक बिदा दिँदै आएको छ ।

दैत्यराज हिरण्यकश्यपुले विष्णुभक्त आफ्ना पुत्र प्रहृलादलाई मार्ने उद्देश्यले ब्रहृमाबाट आगोले छुन नसक्ने वरदान पाएकी आफ्नी बहिनी होलिकालाई प्रहृलादका साथ दन्किरहेको आगोमा पस्न लगाउँदा होलिका आफै भष्म भएकी तर भक्त प्रहृलादलाई आगोले छुन नसकेको हिन्दु धर्मशास्त्रहरूमा उल्लेख छ । त्यसै बेलादेखि शक्तिको दुरूपयोग गर्ने पापी प्रवृत्तिकी प्रतीक बनेकी होलिका मारिएको उपलक्ष्यमा होली खेल्ने परम्परा चलेको मानिन्छ ।

होलीका क्रममा करेन्ट लागेर मृत्यु

काठमाडौ,१७ फागुन
रमाइलो गर्न होली खेलिरहेका बागबजारका एक युवकको करेन्ट लागेर मृत्यु भएको छ । जगबाट पानी फाल्दा नजिकैको नाङगो तारबाट करेन्ट सट भइ भारतीय नागरिक रैसुल आलमको मृत्यु भएको हो ।बागबजारमा आफू बस्ने घरको कौशीबाट नजिकैको साथीलाई पानी छ्याप्दा उनलाई हातमा करेन्ट लागेको आफन्तले बताए ।

उनीसँगै उनका भाइ, मामा र अन्य आफन्त पनि होली खेलिरहेका थिए । करेन्ट झटाले लडेका उनको टाउकोमा चोट लागेको थियो । उपचारका लागि मोडल अस्पताल पुर्‍याएपछि उनको मृत्यु भएको प्रहरीले जनायो । अस्पतालले ठुलो भोल्टेजको करेन्टका कारण आलमको मृत्यु भएको जनाएको छ । अन्तिम संस्कारका लागि आफन्तले उनको शब आइतबार साँझ भारत लगेका छन् ।

होलीको रमझम-फोटो फिचर

बनेपा, १६ फागुन
फागु पूर्णिर्मा अर्थात होलीको रमझमले काभ्रेका विभिन्न बजार तथा गाउँहरु अहिले उल्लासमय भएको छ । बिहान सुनसान देखिएको बनेपा, धुलिखेल र पनौती बजारमा अहिले होली खेल्नेहरुको रमझम बढ्दै गएको छ । विगतको जस्तो रातो रंगको स्थान अहिले सिल्भर कलरले लिएको छ । धेरै ठाउँमा यसकै बजार देखिएको थियो । तर, रातो रंग लगाउनेको कमी पनि छैन । होलीको अवसरमा देखिएका गतिविधिलाई हामीले यहाँ प्रस्तुत गरेका छौं ।

सीमा प्रहरीको दरबन्दी थप गर्न माग

दोलखा, १६ फागुन
चीनबाट दोलखाको लामावगर नाका हुँदै अबैध प्रवेश गर्ने तिब्बतीको संख्या बढेपछि सीमा प्रहरीको दरबन्दी थप गर्न माग गरिएको छ । यो आर्थिक बर्षमात्र ५३ तिब्बतीलाई दोलखा प्रहरीले पक्राउ गरी अध्यागमनमा बुझाइसकेको छ । अघिल्ला दुई आर्थिक बर्षमा एकजना पनि तिब्बतीहरु पक्राउ पर्न सकेका थिएनन । आर्थिक बर्षको साउन महिनादेखि नै अबैध प्रवेशको लहरले सीमा प्रहरीलाई पक्राउ गर्ने र बुझाउन ल्याउन झमेला थपिएको छ ।

अबैध तिब्बती प्रवेशको समस्या थपिएपछि १६ जनाको दरबन्दी रहेको सीमा प्रहरी लामावगरमा ३५ जनाको दरबन्दी बनाउन प्रस्ताव गरिएको जिल्ला प्रहरी प्रमुख धिरजप्रताप सिंहले बताए । प्रक्राउ गरेपछि सदरमुकाम ल्याउन दुई दिन लाग्ने हुँदा त्यति दरबन्दी अपुग भएको उनले बताए ।

प्रहरीका अनुसार यो बर्षको साउनमा ७ जना, कात्तिकमा ८ जना, माघमा १७ जना र फागुनको अहिलेसम्म २१ जना तिब्बती पक्राउ परिसकेका छन् । चीनको फलाक नाकाबाट लुकिछिपी छिचोलेर लामावगर क्षेत्र आएपछि स्थानीयवासीको खवरले उनीहरुलाई पक्राउ गर्ने गरिएको छ ।

उनीहरुलाई नेपालीले सीमा प्रहरीसम्म ल्याइदिने वा सिधै काठमाडौं लाने गरेको भेटिएको छ । फागुन महिनामा प्रवेश गर्ने तिब्बतीसँग लामावगरका पुष्कर खत्री पक्राउ परेका थिए । उनी त्यस्तो काममा पहिलेदेखि सक्रिय भएको सुइको प्रहरीले पाएको थियो । कार्वाहीका लागि दोलखा प्रहरीले उनलाई पनि अध्यागमनमै पठाएको छ । अबैध तिब्बती भित्राउन सक्रिय गिरोहले पैसामा काम गर्ने गरेको प्रहरी नायव उपरीक्षक सिंहले बताए । तिब्बतबाट दलाई लामाको दर्शन र स्वतन्त्रताको आकर्षण देखाई तिब्बतीलाई त्यहीँको गिरोहले नेपाल पठाइदिने शंका गरिएको छ ।

'पक्राउ परेपछि मुठ्ठी बाधेर दुई हातको बुढी औला देखाउदै दलाई भन्दै भुईतिर घोप्टो पर्ने गर्छन,' प्रहरी नायव उपरीक्षक सिंहले भने । अग्रेजी र नेपाली नबुझ्ने भएकोले प्रहरीले सम्बादमा कठिन महशुस गर्दै आएको छ । उनीहलाई अध्यागमनसम्म लाने स्रोतसाधनको अभाव पनि प्रहरीलाई छ । अध्यागमन पुर्‍याइएका तिब्बतीहरुलाई शरणार्थी परिचयपत्र दिने व्यवस्था छ । बाषिर्क रुपले परिचयपत्र नवीरकण गरेपछि उनीहरु नेपालको जुनकुनै स्थानमा शरणार्थी जीवन बिताउँन पाउने छन् ।

दोलखा प्रहरीलाई ०६४ र ६५ मा भने अबैध प्रवेशको झमेला परेन । ०६३ सालमा २२ जना तिब्बती पक्राउ परेका थिए । त्यसपछि ०६६ सालमा भने लगातार प्रहरीले यो समस्या झेल्नु परेको छ । ०६० मा द्धन्दले जिल्ला प्रहरी कार्यालय सार्नु परेकाले त्यस अघिको तथ्याङ छैन ।

रामभक्त मेमोरियलको अभिभावक दिवस

बनेपा, १६ फागुन
रामभक्त मेमोरियल स्कुल, बनेपाको पाँचौ अभिभाबक दिवस शनिवार एक कार्यक्रमका साथ सम्पन्न भयो । बिद्यालय ब्यबस्थापन समितिका अध्यक्ष डा. विद्या प्रधानांगको सभापतित्वमा भएको उक्त कार्यक्रममा विद्यालयका कला समूहका विद्यार्थीहरुका तर्फबाट निकिता पलाञ्चोके र सर्जु पोटेले केही समय पहिले आयोजना गरिएको कला प्रदर्शनीका क्रममा चित्रकला बिक्रीबाट संकलित रकम एस.ओ.एसर्.हर्मन माइनर स्कुल काभ्रेका प्रिन्सिपल इश्वरी प्रसाद शर्मालाई बालग्रामको मित्र बन्ने अनुरोध सहित हस्तान्तरण गरेका थिए ।

काभ्रे एस ओ एस बाल ग्राम स्थापनाको बाह्र बर्षो दौरान समूहगत रुपमा बालग्रामाको मित्र बन्न विद्यार्थीहरुले अनुरोध गरेको यो पहिलो भएको वताएका थिए । विद्यार्थीहरुको आफ्नै प्रयासको आयवाट अनाथहरुको सहयोगमा लाग्ने कार्यबाट उनी भाव विभोर बनेका थिए ।अभिभावक दिवशमा अभिभावकहरुले आफ्ना सन्ततिका सम्वन्धमा राम्रो जानकारी राख्न जरुरत हुने दर्शाउँदै उत्कृष्ट अभिभावक खेल आयोजना गरिएकोमा साजन बैदार उत्कृष्ट अभिभावक घोषित भए ।

कार्यक्रममा कक्षा गत शिक्षणमा सम्मिलित शिक्षिकाहरुलाई सम्मानको चिनो प्रदान गरिएको थियो भने विद्यार्थीहरुको प्रदान गरेका मतका आधारमा सब भन्दा मन पर्ने, सब भन्दा उत्साहित, सब भन्दा बुझिने गरि सिकाउने र सब भन्दा समय पालक शिक्षक गरि चार बिधा मध्य अगिल्लो तीन ओटा बिधामा बढी मत प्राप्त गर्ने विज्ञान शिक्षक प्रकाश सञ्जेल र पछिल्लो बिधामा चुनिएका शिक्षकद्वय छत्रकाजी श्रेष्ठ र तिर्सना कुमार मोक्तानलाई बिषेश उपहार प्रदान गरिएको थियो ।

सो अवसरमा बिभिन्न अतिरिक्त क्रियाकलापमा विजयी बिद्यार्थीहरुलाई पुरस्कार प्रदान गरिएको थियो भने विद्यार्थीहरुले साँस्कृतिक कार्यक्रम पनि प्रस्तुत गरेका थिए ।

फागुन २१ मा २ चलचित्र

बनेपा, १६ फागुन
नेपाली चलचित्रहरुको बजार राम्रो छैन भन्ने धेरै छन् । चलचित्र बनायो तर आम्दानी केही छैन भन्ने पनि धेरै नै छन् । तर यी सबै कुराको पर्वाह नगरी यतिखेर धमाधम नयाँ चलचित्रहरुको निर्माण हुने क्रमको जारी छ । जुन मात्रामा चलचित्रहरु निर्माण भइरहेका छन् त्यही अनुपातमा बनेका चलचित्रहरु रिलिज गर्नका लागि पनि तछाड मछाड नै छ । कसैले क्यू सिस्टमलाई कुरेर चलचित्र प्रर्दशन गराउँछने त कसैले जस्को शक्ति उसको भक्ति भन्दै जे पनि गर्छन् ।

तर जे जस्तो भए पनि चैते दशैंलाई लक्षित गरी उपत्यका बाहिरका विभिन्न हलहरुबाट २ चलचित्रहरु प्रदर्शनमा आउने भएका छन् । चलचित्रहरु हुन् आफ्नो मान्छे आफ्नै हुन्छ र दाग । लामो समयदेखि सानो पर्दामा काम गर्दै आएका कलाकार मुनाल घिमिरेले निर्माण गरेको चलचित्र आफ्नो मान्छे आफ्नै हुन्छ लाई सफल टेलिचलचित्रहरुका दिर्नेशक ऋषि लामिछानेले निर्देशन गरेका छने । पारिवारिक, सेन्टिमेन्ट्सले भरिएको चलचित्र आफ्नो मान्छे आफ्नै हुन्छमा विराज भट्ट, रेखा थापा, मुकेश ढकाल, अरुणिमा लम्साल लगायतका कलाकारहरुले अभिनय गरेका छन् । चलचित्रमा संगीत महेश खड्काले दिएका छन् र यतिखेर चलचित्रको शीर्ष गीत फिल्मी बजार चर्चित भइरहेको छ ।

यस्तै, दाग-नमिटएको घाउ पनि फागुन २१ कै मितिमा प्रदर्शनका लागि तम्तयार छ । पुरानै नाउँ भएता पनि विषयवस्तु फरक रहेको र दर्शकहरुले आफनो चलचित्रलाई निकै मन पराउँनेमा यसका निर्माण पक्ष विश्वस्त छन् । चलचित्रहरुलाई मणिराम पैडेलले निर्माणगरेका हुने भने निदैृशन विजय थापाको रहेको छ । चलचित्र दागमा निखिल उप्रेती, सञ्चिता लुइटेल, अरुणिमा लम्साल लगायतका कलाकारहरुले अभिनय गरेका छन् भने चलचित्रमा संगीत महेश खड्का दिएका छन् ।

रण रहोस्, यतिखेर नायक निखिल उप्रेती र सञ्चिता लुइटेललाई वास्तविक जोडीका रुपमा चलचित्र क्षेत्रमा हर्ेर्ने गरिन्छ । तर जेहोस् फागुन २१ गते रिलिज हुन लागेका यी २ चलचित्रहरुले राम्रो व्यापार गरुन् र जुधाईको मारमा भने कोही निर्माता पनि नपरुन् हाम्रो शुभकामना ।

स्वस्थ्यको जीप प्रहरीकहाँ

दुरुपयोग भएको आरोप
धुलिखेल, १६ फागुन
विदाको दिन पनि दुरुपयोग गर्दै आफन्त ओर्सार्न प्रयोग गरिएको जिल्ला स्वास्थ्य कार्यालयको गाडीलाई जिल्ला प्रहरी कार्यालयको नियन्त्रणमा राखिएको छ । शनिबार विदाको दिन पनि आफ्ना आफन्त ओर्सार्न प्रयोग भइरहेको अवस्थामा जिल्ला स्वास्थ्य कार्यालयको बा १ झ ३३६६ नंवरको जीपलाई धुलिखेलका स्थनीय बासिन्दा एवं नेपाल मजदूर किसान पार्टीका नेता चन्द्रलाल तुसुजुले हिजो दिउँसो नियन्त्रणमा लिएका थिए ।

जीप नियन्त्रणमा लिएपछि तुसुजुले जिल्ला प्रहरी कार्यालयलाई उक्त जीप बुझाएका छन् । हाल उक्त गाडी जिल्ला प्रहरी कार्यालयको नियन्त्रणमा रहेको छ । विदाको दिन आवश्यक परे कार्यालयको पास लिएर चलाउन पाइने नियम छ । तर, विनापास शनिबार उक्त गाडीमा चालकका आफन्त तथा अन्य व्यक्ति बोकिररहेको अवस्थामा पक्राउ गरिएको तुसुजुले वताए । यसअघि पनि धेरै पटक उक्त जीपको दुरुपयोग भएको उनको भनाई छ ।
जिल्ला स्वास्थ्य कार्यालयका प्रमुख डा. सुरेन्द्र चौरसियाले भने कार्यालयको कामकै लागि गाडी प्रयोग भएको दाबी गरे । जिल्ला प्रहरी कार्यालयका प्रहरी निरीक्षक गोविन्द कार्कीका अनुसार, गाडीको विषयमा छानबीन भइरहेको छ ।

एकीकृत माओवादीका जिल्ला सदस्यमाथि कुटपिट

रामेछाप,१३ फागुन
एकीकृत माओवादी रामेछापका जिल्ला कमिटिका सदस्य एवम् नेपाल रेडक्रस रामेछापका सभापति रामबहादुर कार्कीलाई ०६६ फागुन १० गते उनकै गाउँ सुनारपानी गाविसमा स्थानीय गाउँलेहरूले कुटपिट गरी घाइते बनाएका छन् ।

सुनारपानी गाविसमा फागुन १० गते गाविसले आयोजना गरेको गाउँको योजना तर्जुमा बैठमा माओवादीको तर्फबाट सहभागी भएका कार्की र माओवादी बाहेकका अन्य पार्टीका स्थानीय गाउँलेबीच योजनाका बारेमा विवाद भएको थियो । विवादका क्रममा कार्कीले स्थानीय युवाहरूलाई हातपात गरेपछि गाउँलेहरूले उनलाई कुटपिट गरेको गाउँलेहरूको भनाइ रहेको छ भने कार्की पक्षको भने आफूलाई सुनियोजितरूपमा आक्रमण गरिएको आरोप लगायो । कुटपिटबाट घाइते भएका कार्कीलाई १० गते नै प्रहरीले मन्थली ल्याएको थियो ।

उनलाई थप उपचारको लागि फागुन ११ गते काठमाडौँ लगिएको छ । कुटपिटमा संलग्न भएको आरोपमा प्रहरीले सुनारपानी गाविसबाट एमाले निकट अनेरास्ववियुका कार्यकर्ता राजु कार्कीलाई गिरफ्तार गरी हिरासतमा लिएको छ ।
नवराज पथिक

ट्राफिक कार्यालयमा 'राजश्व' मा अनियमितता

बनेपा,१३ फागुन
ट्राफिक प्रहरी कार्यालय बनेपा अर्न्तगत उठ्ने राजश्व माघ महिनामा ब्यापक अनियमितता भएको छ । पनौतीमा लाग्ने मकर मेलामा आउने दैनिक चार सय वटा ट्याक्सिहरुले वुझाएको रकम राजश्वमा दाखिला भएको छैन । पटके नतिरी आउँदा प्रति ट्याक्सि २ सय अनिवार्य तिर्नुपर्ने भए पनि ट्राफिक प्रहरी कार्यालय बनेपाले सबै सँग एकसय र एकसय पचास लिदै पठाउने गरेको रहस्य खुलेको छ ।

गत पुषमा भन्दा माघ महिनामा राजश्व कम उठेको कार्यालयले जानकारी दिएको छ । कार्यालयको रेकर्डमा माघ महिनामा २३ हजार चार सय भन्दा राजश्व संकलन भएन । पौषमा ४५ हजार ५ सय राजश्व उठेको थियो भने मसिंरमा ४५ हजार ५ सय नै उठेको थियो । सवारी चापका कारण पनि पौषको तुलनामा तेव्वर राजश्व दाखिला हुनुपर्नेमा कार्यालयले त्यसो नगरी सम्वन्धित ब्यक्तिहरु मार्फ कार्यालय प्रमुख प्रहरी निरिक्षक नरेन्द्र देउजाले गोजीमा राखेको श्रोतले जानकारी दिएको छ ।

देउजा भक्तपुरमा घर बनाईरहेका छन् मकरमा छलेको राजश्वले एक तल्ला घर निर्माण गर्न पुग्नेछ । कार्यालयको गाडी समेत दुरुपयोग गरेर देउजाले सिमेन्ट लगायतका सामानहरु ओर्सार्दै आएका थिए । दुर्घटनास्थलमा जानु पर्दा कार्यालयको गाडी भक्तपुरमा हुन्छ अन्य भाडाका गाडी लिएर प्रहरीहरु त्यसतर्फजाने गरेका छन् ।

देउजाले राजश्व मात्रै छलेका छैनन् अन्य सवारी साधनबाट समेत रकम असुल्न भ्याएका छन् । अन्य सवारी साधनवाट असुल भएको रकम समेत देउजाले ब्यक्तिगत प्रयोजनमा खर्च गरेका छन् । आफुलाई सबैभन्दा शक्तिमान् देखाउन उनि एसएसपी प्रेमवहादुर चन्द र डिएस्पी रविन्द्र धानुकलाई केहि रकम दिएर खुशी पार्ने गरेका छन् । कहिले कालिज त कहिले रकम दिएर कर्तुतहरु छोप्न माहिर छन् । राजधानीका एक ब्यापारी माधवको नाम वेचेर देउजाले आफ्नो जागिरलाई राम्रै कमाईको काममा लगाईरहेका छन् ।

कार्यालयको ना १ अ ६५१ नम्वरको बलेरो गाडीलाई ट्रकको रुपमा प्रयोग गर्दा समेत वाटोमा कार्यालय राखेर बसेका चन्द देखेको नदेखै गरिरहेका छन् । कार्यालयको नाम मेटेपछि उनलाई गाडी दुरुपयोग गर्न झनै सजिलो भएको छ । नाम मेटेको विषयमा उनले कुनै प्रतिक्रिया दिएका छैनन् बरु समाचार माध्यममा समाचार प्रकाशन भएको भन्दै आफु भन्दा तल्लो तहका प्रहरीहरुसँग एकसरो स्पस्टिकरण लिन भ्याएका छन् । उनको रुष्ट ब्यवहार र एक्लै रकम खाने योजनाले आधा प्रहरीहरुले सरुवा माग गरेका छन् ।

पाँचखालमा रकमकै लागि खटाएका हवल्दार महेन्द्र गौतमले भने जति रकम बुझाउन नसकेको भन्दै फिताृ बोलाएर उनको ठाउँमा अर्कै हवल्दारलाई मासिक १५ हजार बुझाउने र्सतमा पठाएका छन् । देउजा आफै तस्करहरुले किनिदिएको फर्निचरमा सुतिरहेका छन् । उनको कार्याकालमा राजश्वमा वृद्धि होईन झनै कम भएको एक प्रहरीले बताए ।

पत्रपत्रिकाका बारेमा विद्यार्थीहरुलाई जानकारी

बनेपा, १३ फागुन
क्षितिज स्कुलमा अध्ययनरत विद्यार्थीहरुलाई सुचना प्रविधि सँगै पत्रकारितामा वढिरहेको क्रेज र पत्रपत्रिका प्रकाशन तथा समाचारहरुको संकलन गर्न सिकाउने उदेश्यले आज पत्रिकाको कार्यालय र प्रेसहरुको भ्रमण गर्राईएको छ ।

विद्यालयमा कक्षा ७ मा पढ्ने २८ जना विद्यार्थीहरुले पत्रपत्रिका प्रकाशन गर्दा आईपर्ने समस्या, पत्रपत्रिकाहरुका समाचार, लेख र विज्ञापनहरुको वारेमा विद्यार्थीहरुले जानकारी राखेका थिए । मोफसलवाट प्रकाशित क श्रेणीको चेष्टा साप्ताहिकका कार्यकारी सम्पादक मोतीराम तिमल्सिनाले विदार्थीहरुको जिज्ञासाका बारेमा जानकारी गराएका थिए ।

त्यस्तै सोहि विद्यार्थीहरुको समुहलाई जिल्लावाट पहिलोपल्ट प्रकाशन भएको काभ्रेली अनलाईन पत्रिकाको बारेमा समेत जानकारी गर्राईएको थियो । अनलाईनका ब्यवस्थापक केपी घिमीरेले अनलाईन समाचारको प्रकाशन र ब्यवस्थापनका बारेमा जानकारी गराएका थिए । विद्यार्थीहरुले प्रविधिसँगै समाचारहरुको प्रकाशनका बारेमा थप जानकारी लिएका थिए ।

माओवादीको नेतृत्वमा सरकार बनेमात्रै संविधान निर्माण : प्रचण्ड

हाम्रोगोरखा सम्वाददाता
फागुन 13 गते

एकिकृत नेकपा माओवादीका अध्यक्ष पुष्पकमल दाहाल प्रचण्डले माओवादीको नेतृत्वमा सरकार बनेमात्रै संविधान निर्माण र शान्तिप्रकि्रया सार्थक निष्कर्षमा पुग्ने बताउनुभएको छ । संविधानसभा र गणतन्त्र आफूहरुले अघि सारेको एजेण्डा भएकाले त्यसको वास्तविक हकदार पनि माओवादी मात्रै भएको उहाँले दावी गर्नुभयो

एकिकृत नेकपा माओवादी गोरखाले आज उत्तरी गोरखाको आरुघाट वजारमा आयोजना गरेको जनसभालाई सम्बोधन गर्दै प्रचण्डले उच्च स्तरीय राजनीतिक संयन्त्रले नयाँ सरकार गठनका लागि पहल गरिरहेको बताउनुभयो । संयन्त्रको मुख्य उदेश्य संविधान निर्माण गर्नु भएको भन्दै उहाँले माओवादी नेतृत्वको सरकार नबने सम्म त्यस्तो वातावरण नबन्ने बताउनुभयो । आफ्नो पार्टीको नेतृत्वमा सरकार नबने आन्दोलन गर्नुको विकल्प नभएको उहाँको भनाई छ । संविधानसभाको एजेण्डा उठाउँदा आफूहरुको टाउकोको मोल तोक्नेहरुले अहिले सरकार चलाइरहेको भन्दै अध्यक्ष प्रचण्डले उनीहरुले जनताको पक्षमा संविधान बनाउन नसक्ने दावी गर्नुभयो

संविधान सभाको निर्वाचनमा हारेकाहरुले सरकार चलाएर जनताको बदनाम गरिरहेको भन्दै उहाँले बर्तमान सरकार आकाशवाणी र रिमोटकन्ट्रोलबाट चलेको आरोप समेत लगाउनुभयो । तत्कालीन राजा वीरेन्द्र मारिनुभन्दा केही समय अघिमात्रै माओवादीले उनीसँग भेट गर्ने तयारी गरेको भन्दै उहाँले राष्ट्रवादीहरुलाई एक हुन नदिनकै लागि उनको हत्या गरिएकॊ दावी गर्नुभयो । राष्ट्रवादी भएकै कारण एमाले नेता मदन भण्डारीको पनि हत्या गरिएको उहाँको भनाई छ ।

एयर डाइनाष्टीको हेलिकप्टरबाट आरुघाट पुग्नुभएका प्रचण्डले स्थानीय वासिन्दाहरु सँग पनि भेटघाट गर्नुभएको थियो । विक्रम सम्वत २०३३ सालमा स्थानीय भीमोदय उच्च माध्यमिक विद्यालयमा शिक्षण गर्नुभएका माओवादी अध्यक्ष प्रचण्ड ३३ वर्षपछि आज आरुघाट पुग्नुभएको हो । यसैविच गोरखा आरुघाटको भीमोदय उच्च माध्यमिक विद्यालयले विद्यालयका पूर्व शिक्षक एवम् एकिकृत नेकपा माओवादीका अध्यक्ष प्रचण्डलाई अभिनन्दन गरेको छ ।

विक्रम सम्वत् २०३२ कार्तिक १० गते देखि ३५ साल माघ १० गते सम्म सो विद्यालयमा पढाएका प्रचण्डलाई विद्यालयका प्राचार्य कृष्णकाजी श्रेष्ठ र विद्यालय ब्यवस्थापन समितिका अध्यक्ष गणेश कुमार श्रेष्ठले अभिनन्दन गर्नुभएको हो । २ वर्षको शिक्षणकालमा विद्यालयको विविध क्षेत्रमा पुर् याएको योगदानको कदर गर्दै उहाँलाई अभिनन्दन गरिएको प्राचार्य श्रेष्ठले बताउनुभयो । अभिनन्दन ग्रहण गर्दै प्रचण्डले आफूलाई राजनीतिमा लाग्न र ब्यक्तित्व विकास गर्न भिमोदय उच्च माध्यमिक विद्यालयले ठूलो योगदान गरेको बताउनु

काभ्रेमा फस्टाउँदैछ वेश्यावृत्ति

काठमाडौंका आपराधिक गिरोह पनि अब काभ्रेमा
बनेपा, १३ फागुन
राजधानी काठमाडौंमा कर्डाई हुँदै गएपछि पछिल्लो समयमा काभ्रेमा वेश्यावृत्ति फस्टाएको छ । केही दिनभित्रै प्रहरीले वेश्यावृत्तिमा संलग्न दर्जनौं व्यक्तिलाई पक्राउ गरेपछि काभ्रेको बनेपामा वृश्यावृत्ति फस्टाउँदै गएको प्रमाणित भएको हो । काभ्रेको बनेपामा रहेका केही गेष्ट हाउस र बनेपा वपिरि रहेका क्याविन रेष्टुरेन्टहरुमा वेश्यावृत्ति गराइने गरिएको चाल पाएरपछि प्रहरीले पछिल्लो समयमा सक्रियता बढाएको छ ।

हुन त प्रहरीलाई काभ्रेमा यस्ता गलत क्रियाकलाप हुने गरेको थाहा नभएको होइन । तर, होटल सञ्चालकसँग पैसा लिएर केही थाहा नपाएको जस्तो गर्ने प्रहरी प्रशासनले अहिले सक्रियता देखाएको छ । यो बनेपाबासीका लागि मात्रै होइन काभ्रेबासीका लागि पनि खुसीको कुरा हो । काभ्रेली डटकमलाई प्राप्त जानकारीअनुसार बनेपाका केही नाम चलेका होटलमा समेत वेश्यावृत्ति गराइने गरिएको छ । खाजा र नास्ता पसलको रुपमा सञ्चालन गरिएका ती होटलहरुमा गोप्य कोठा राखी दिउँसै वेश्यावृत्ति गराउने पाइएको प्रहरी स्रोतको दाबी छ । 'बनेपामा चलेका भनिएका होटलमा समेत गैरकानुनीरुपमा यस्ता काम गराएको पाइएको छ' इलाका प्रहरी कार्यालय बनेपा स्रोतले काभ्रेली डटकमसँग भन्यो, 'अब हाम्रो अनुसन्धानबाट ती होटलसमेत उम्कँदैनन् ।'

यसअघि बनेपाको इलाका प्रहरी कार्यालयको प्रमुखको रुपमा रहेका ऋषिकान्त पाण्डेको सरुवा भएपछि बनेपा आएका प्रहरी निरीक्षक रुपक खड्काले आफू आएको केही दिनभित्रै यस्तो कामको सुरुवात गरेका छन् । स्थानीय व्यापारीसँग पैसा खाएर केही काम नगरेको आरोप लागेको पाण्डेेले आफू बसेको एक वर्षम्म पनि कुनै पनि गेष्टहाउस र होटल छापा मार्न सकेका थिएनन् ।

राजधानी काठमाडौंमा राती अबेरसम्म रेष्टुरेण्ट तथा होटलहरु खोल्न नपाइने भएपछि काठमाडौंका होटलमा वेश्यावृत्ति गर्नेहरुका लागि काभ्रे आकर्ष थलो बन्न थालेको छ । स्रोतका अनुसार काभ्रेमा तीन किसिमबाट वेश्यावृत्ति हुने गरेको छ । पहिलो, यही सडकमा पाइने केटीहरुलाई लिएर होटलमा लगेर यौनजन्य क्रियाकलाप गर्नेको संख्या ठूलै रहेको छ । दोस्रो, बाहिरबाट केटी लिएर आउने केटाहरुले समेत यहाँ वेश्यावृत्तिलाई मलजल गरिरहेका छन् । प्रहरी स्रोतका अनुसार, यहीँका कतिपय होटलहरुले केटीलाई होटलमै काम दिएर वेश्यावृत्ति गराउने गरेका छन् ।

अपराधी काभ्रेतिर
राजधानी काठमाडौं असुरक्षित भएपछि काठमाडौंमा अपराध गरेर सुरक्षाका लागि काभ्रे आउनेको सँख्या पनि पछिल्लो समयमा बढेको छ । अचेल बनेपामा दिउँसै पेस्तोल बोकेर बजारमा हिँड्नेहरुको संख्या प्रशस्तै देखिएको छ । तर, प्रहरीको ध्यान त्यतातिर अझै पुग्न सकेको छैन ।

काठमाडौंमा विभिन्न गोलीकाण्ड मच्चाएर काभ्रे आएका अपराधीहरु केही समय यहीँका गोप्य स्थानमा लुकेर बसेका भए पनि अचेल खुलेआम हिँड्न थालेका छन् । यसरी आपराधिक क्रियाकलापमा लागेकाहरुको संख्या बढ्दै गएपछि यहाँका स्थानीयबासीले भने सुरक्षित महसुस गर्न सकेका छैनन् ।

जाँडरक्सी र जुवातास वन्द रामेछाप, १२ फागुन जिल्लाको पकरबास गाउँ विकास समितिका महिलाहरुको सक्रियतामा गाउँमा जाँड रक्सि र जुवा तास बन्द गरिएको छ । रक्सि

काभ्रे, १२ फागुन
प्रहरीले बनेपा र आसपासका क्षेत्रमा वेश्यावृत्तिमा संलग्न व्यक्तिहरुलाई पक्राउ गरी अनुसन्धान कार्य जारी राखेको छ । यौनजन्य क्रियाकलापमा संलग्न रहेको अवस्थामा पक्राउ पर्नेहरुमा बनेपास्थित चण्डिका गेष्टहाउस, चण्डेश्वरी गेष्टहाउस, भ्याली गेष्ट हाउस र वेलकम गेष्टहाउसबाट आपत्तिजनक अवस्थामा पाँच जोडीलाई पक्राउ गरेको थियो ।

बुधबार दिउसै शिव गेष्टहाउस धनेश्वरबाट ७ जना र फूलबारी रेष्टुरेण्ट अर्ठ्ठाईसकिलोबाट ३ जना केटा र ६ जना केटीलाई पक्राउ गरेर ल्याएको छ । पक्राउ पर्नेहरुमा १८ देखि २६ वर्षउमेर समुहका रहेका छन् । विगतदेखि नै बनेपाका केही गेष्टहाउसहरुमा खुलेआम यौनजन्य क्रियाकलाप भइरहेको स्थानीयबासीले गुनासो गर्दै आए पनि प्रहरीले कारबाही गर्ने हिम्मत गरेको थिएन ।

एकहप्ता लामो रेकी -निगरानी) पछि प्रहरीले सफलता हात पारेको छ । बनेपा प्रहरीले बनेपा आसपासका विभिन्न स्थानमा हुने गरेको टेलीफोन तारचोरीलाई नियन्त्रण गर्नका लागि रातको समयमा २ वटा मोवाईल टोली खटाएको छ ।

यसैगरी बनेपाका चार छुट्टाछुट्टै स्थानबाट जुवा-तास खेलिरहेका समुहलाई पक्राउ गरेको छ ।
पक्राउ पर्नेहरु बनेपा नपा-४ नयाँबस्तीबाट ८ जना, बनेपा-१० तरकारीबाजारबाट १४ जना, महेन्द्रज्योतीबाट ९ जना, बनेपा-१० गोदामचोकबाट १२ जना जुवातास खेलिरहेकै अवस्थामा पक्राउ गरेको थियो ।

रामेछापका महिलाको उदाहरणीय काम

जाँडरक्सी र जुवातास वन्द
रामेछाप, १२ फागुन
जिल्लाको पकरबास गाउँ विकास समितिका महिलाहरुको सक्रियतामा गाउँमा जाँड रक्सि र जुवा तास बन्द गरिएको छ । रक्सि र जुवा तासका कारण गाउँमा सधैं जसो झगडा हुन थालेपछि दिक्क वनेका महिलाहरुको आमा समुहले गाउँलाई अहिले जुवा तास र जाँड रक्सि मुक्त गाउँ घोषणा गरेका हुन् । उनिहरुले आफ्नो समुहको निर्णयलाई वेवास्ता गर्नेमाथी कडा कारवाहि समेतको निर्णय गरेका छन् । केहि वर्षअगाडिदेखि गाउँमा क्रियाशिल रहेका स्थानिय भगवती , सरस्वती र फुलवारी आमा समुहका महिलाहरुले पकरबास गाउँ विकास समितिको वडा नं ६, ७ र ८ लाई जाँड रक्सि र जुवाँ तास मुक्त गाउँ घोषणा गरेका छन् ।

उनिहरुले बुधबार गाउँमा सबै महिलाहरु भेला गराइ स्थानिय स्वतिका कार्कीको नेत्रित्वमा नारा जुलुस गरेर सोहि दिन देखि उक्त घोषणा गरेको पकरबास ७ की चन्द्रि श्रेष्ठले बताउँछिन् । जुलुसमा गाउँका ४ सय भन्दा बढी महिलाहरुको सहभागीता रहेको थियो । जुवा तास र जाँड रक्सि विरुद्ध नारा लगाउदै महिलाहरुले गाउँ परिक्रमा गरेका थिए । गाउँका पुरुषहरु जाँड रक्सि र जुवाँ तासमा भुलेर घरको काम नगर्नुका साथै सधैं जसो गाउँको प्रमुख बजार मानिएको फुल्पा बजारमा गएर झगडा गर्न थालेपछि सबै महिलाहरु मिलेर गाउँलाई जाँड रक्सि र जुवातास मुक्त गाउँ घोषणा गरेको स्थानिय चन्द्रि श्रेष्ठ बताउँछिन् ।
आफुहरुले जाँड खाने र बिक्री गर्ने तथा जुवा तास खेल्ने र खेलाउने दुवैलाई जरीवाना गर्ने निर्णय समेत गरेको उनले जानकारी दिइन् । महिलाहरुको आमा समुहले खाने र खेल्नेलाई भन्दा विक्रि गर्ने र खेलाउनेलाई वढी जरिवाना तोकेका छन् । समुहले रक्सि वेच्नेलाई २ हजार ५ सय रुपैया र खानेलाई १ हजार जरीवाना तथा जुवातास खेलाउनेलाई १ हजार र खेल्नेलाई ५ सय रुपैया जरीवानाको निर्णय गरेका छन् । उनिहरुले जाँडरक्सि तथा जुवातास नियन्त्रणका लागी भनेर महिलाकै नेत्रित्वमा जाँडरक्सि तथा जुवातास नियन्त्रण समिति समेत बनाएका छन् ।

रक्सि खान र जुवातास खेल्नेहरुको सधैं भिड लाग्ने फुल्पा बजार अहिले केहि दिन यता देखि भने शान्त रहेको छ । यस अगाडि पनि उक्त वजारमा जाँडरक्सि र जुवातास नियन्त्रण प्रयास भएको भएपनि संभव भएको थिएन । तर अहिले आमा समुहमा संगठित सबै महिलाको संयुक्त प्रयासले यो संभव भएको स्थानिय महिलाहरु बताउँछन् ।

निर्णय कार्यान्वयन भएन

रामेछाप, १२ फागुन
मन्थली नगर विकास क्षेत्र र मुख्य वजार क्षेत्रभित्र अव्यवस्थित ढङ्गले पालीएका कुखुरा र वगुरका कारण जनस्वास्थ्यमा गम्भिर असर परे पनि त्यसको समाधानका लागि जिल्ला प्रसासन कार्यालयलाई आग्रह गरेको महिनौ वितिसक्दा पनि समस्था समाधानका लागि हालसम्म कुनै पहल भएको छैन । केही समयअघि जिविसमा वसेको वगुर तथा कुखुरा पालक र सरोकारवालाहरु सवैको भेलाले अव्यवस्थित वगुर तथा कुखुरा पालनवाट जनस्वास्थ्यमा गम्भिर असर परेको ठहर गरी त्यसलाई व्यवस्थित तगर्नका लागि गाविस सचिव ढालवहादुर कार्कीको सयोजकत्वमा अधिकार सम्पन्न समिति गठन गरेको थियो ।

उक्त समिति आफुले सवै सम्भावनालाई अध्ययन गरी उचित व्यवस्थापनको विकल्प कानुनी उपचार मात्र भएको र अन्य कारणवाट समधान निकाल्न नसकिने भन्दै जिल्ला पशुविकास कार्यालयमार्फत जिल्ला प्रसासन कार्यालयमा कारवाहीको लागि अनुरोध गरेको थियो । तर सो निर्णय गरेको तीन महिना लामो समय वितिसक्दा पनि कार्यान्वयन नहुदा उपभोक्ताहरु आक्रोसित भएका छन् ।

मन्थली-५ का उपभोक्ता झम्क कडेल भन्छन् - तीन महिना अघि समस्या समाधानका लागि जिम्वेवारी लिएको निकायले अहिलेसम्म पनि यसको वैकल्पिक समाधानका लागि उपाय निकाल्न नसक्नु लाजमर्दो कुरा हो । अव्यवस्थित ढङ्गले पालिएका वंगुर तथा कुखुराका कारण सडकमा हिडिनसक्नु अवस्था एकातिर छ भने अर्कातिर कतिपय ठाउँमा घरघरमा पालिएका कुखुराहरुले गम्भिररुपमा असर पारिरहेका छन् ।

पत्रकार भन्दै उदण्ड मच्चाउने लेखापाल पक्राउ

चौतारा, १२ फागुन
'पत्रकार हुँ' भन्दै मादक पदार्थ सेवन गरी पटक-पटक उत्छृंखल क्रियाकलापमा संलग्न भएको अभियोगमा महिला विकास कार्यालय चौताराका लेखापाल वाशुराज दाहाललाई मंगलबार प्रहरीले पक्राउ गरेको छ । रातको समयमा कार्यालयकी अधिकृत अञ्जु ढुंगानामाथि हातपात गर्न खोज्दापनि प्रहरीले वेवास्ता गरेपछि पत्रकार र अधिकारकर्मीको दबाबमा पक्राउ गरिएको हो ।

लेखापालले मादक पदार्थ सेवन गरी सोमवार अधिकृत ढुंगानाको आवास गृहको ढोका फोर्ने प्रयास गरेका थिए । उनले अधिकृत र अन्य कर्मचारीलाई तथानाम गालिगलौज गर्दै राती ९ बजेसम्म होहल्ला गरेका थिए ।

हाम्रो प्रयास, सुनकोसी आवाज र नयाँ योजनासमेत ३ वटा पत्रिकाका सम्पादक/प्रकाशक ढुंगानाले आफू माओवादी समर्थक पत्रकार भएकाले कसैले केही गर्न नसक्ने भन्दै यस अघि पटक-पटक यस्ता कृयाकलापमा संलग्न हुँदै आएको गुनासो कर्मचारीले गर्दै आएका छन् । घटनाबारे जानकारी दिँदै पत्रकार र अधिकारकर्मी भेला गराएर अधिकृत ढुंगाना डाँको छोडेर रोएकी थिइन् ।

नयाँ संविधानमा प्रेस स्वतन्त्रता अपरिहार्य

स्याङ्जा १२, फागुन
प्रेस स्वतन्त्रता विना लोकतन्त्रको दिगो विकास हुन नसक्ने भन्दै नयाँ संविधानमा प्रेस स्वतन्त्रता अपरिहार्य भएको बक्ताहरुले जोड दिएका छन् । नेपाल प्रेस युनियन स्याङ्जाले आयोजना गरेको प्रेस स्वतन्त्रतालाई अपरिवर्तनीय धाराका रुपमा राख्नुपर्नेमा स्याङ्जा सदरमुकाममा आयोजित कार्यक्रम नयाँ संविधानमा स्वतन्त्र प्रेस विषयक अन्तरक्रियामा बोल्ने वक्ताहरुले जोड दिएका छन् ।

आजको एक्काईसौ शताव्दीमा आम नागरिक सुसुचित हुन पाउने अधिकारलाई कसैले पनि कुण्ठित गर्न नसक्ने बताउँदै, सुसुचित हुन पाउने अधिकारलाई सुनिश्चित गर्न स्वतन्त्र प्रेसको ग्यारेन्टी हुनुपर्नेमा समेत जोड दिइएको छ ।

अन्तरक्रिया कार्यक्रममा बोल्दै संविधानसभाका सदस्य तथा नेपाल प्रेस यूनियनका संस्थापक सदस्य शोभाकर पराजुलीले एकीकृत नेकपा माओवादीले अधिनायकवादी संविधान निर्माणको पक्षमा लागेकोले माओवादीले भने जस्तो संविधान बनेमा प्रेस स्वतन्त्रताको कल्पना समेत गर्न नसकिने बताउनुभयो । र्
वर्तमान सरकारले दण्डहिनताको अन्त्य गर्ने पक्षमा काम गर्न नसकेको बताउँदै सभाषद पराजुलीले नेपाली काँग्रेसले यहि अवस्थामा वर्तमान सरकारलाई निरन्तरता दिएर अझ प्रभावकारी काम गर्नु लगाउने योजना रहेको बताउनुभएको थियो ।

नेपाल प्रेस युनियनका केन्द्रिय सचिव शिव लम्साल, नेपाली काँग्रेसका महासमिति सदस्य शिवकुमार अधिकारी, महनीप्रसाद पोडेल, नेकपा एमालेका सहसचिव सुधिर पौडेल, नेपाल ट्रेड युनियनका अध्यक्ष धु्रव पंगेनी, नेपाल पत्रकार महासंघका अध्यक्ष ओमप्रकाश शर्मा लगाएतका वक्ताहरुले आम संचारको क्षेत्रमा देखिएका समस्या र चुनौती लगायत समसामयीक विषयमा बोल्नुभएको थियो ।

नेपाल प्रेस युनियन स्याङ्जाका अध्यक्ष प्रेमराज पौडेलको अध्यक्षतामा भएको अन्तरक्रियामा सहभागिलाई स्वागत उपाध्यक्ष सुरेन्द्र गौडेलले गर्नुभएको थियो भने संचालन सचिव राधाकृष्ण डुम्रेले गर्नुभएको थियो ।

प्रेस स्वतन्त्रता विना लोकतन्त्रको दिगो विकास हुन नसक्ने भन्दै नयाँ संविधानमा प्रेस स्वतन्त्रता अपरिहार्य भएको बक्ताहरुले जोड दिएका छन् । नेपाल प्रेस युनियन स्याङ्जाले आयोजना गरेको प्रेस स्वतन्त्रतालाई अपरिवर्तनीय धाराका रुपमा राख्नुपर्नेमा स्याङ्जा सदरमुकाममा आयोजित कार्यक्रम नयाँ संविधानमा स्वतन्त्र प्रेस विषयक अन्तरक्रियामा बोल्ने वक्ताहरुले जोड दिएका छन् ।
आजको एक्काईसौ शताव्दीमा आम नागरिक सुसुचित हुन पाउने अधिकारलाई कसैले पनि कुण्ठित गर्न नसक्ने बताउँदै, सुसुचित हुन पाउने अधिकारलाई सुनिश्चित गर्न स्वतन्त्र प्रेसको ग्यारेन्टी हुनुपर्नेमा समेत जोड दिइएको छ ।
अन्तरक्रिया कार्यक्रममा बोल्दै संविधानसभाका सदस्य तथा नेपाल प्रेस यूनियनका संस्थापक सदस्य शोभाकर पराजुलीले एकीकृत नेकपा माओवादीले अधिनायकवादी संविधान निर्माणको पक्षमा लागेकोले माओवादीले भने जस्तो संविधान बनेमा प्रेस स्वतन्त्रताको कल्पना समेत गर्न नसकिने बताउनुभयो । र्
वर्तमान सरकारले दण्डहिनताको अन्त्य गर्ने पक्षमा काम गर्न नसकेको बताउँदै सभाषद पराजुलीले नेपाली काँग्रेसले यहि अवस्थामा वर्तमान सरकारलाई निरन्तरता दिएर अझ प्रभावकारी काम गर्नु लगाउने योजना रहेको बताउनुभएको थियो ।
नेपाल प्रेस युनियनका केन्द्रिय सचिव शिव लम्साल, नेपाली काँग्रेसका महासमिति सदस्य शिवकुमार अधिकारी, महनीप्रसाद पोडेल, नेकपा एमालेका सहसचिव सुधिर पौडेल, नेपाल ट्रेड युनियनका अध्यक्ष धु्रव पंगेनी, नेपाल पत्रकार महासंघका अध्यक्ष ओमप्रकाश शर्मा लगाएतका वक्ताहरुले आम संचारको क्षेत्रमा देखिएका समस्या र चुनौती लगायत समसामयीक विषयमा बोल्नुभएको थियो ।
नेपाल प्रेस युनियन स्याङ्जाका अध्यक्ष प्रेमराज पौडेलको अध्यक्षतामा भएको अन्तरक्रियामा सहभागिलाई स्वागत उपाध्यक्ष सुरेन्द्र गौडेलले गर्नुभएको थियो भने संचालन सचिव राधाकृष्ण डुम्रेले गर्नुभएको थियो ।

माओवादी धम्कीसँग डराइन्न : प्रधानमन्त्री नेपाल

काठमाडौँ, ११ फागुन
प्रधानमन्त्री माधवकुमार नेपालले माओवादीले जङ्गल छाडेको धेरै वर्ष भइसकेकाले अब उनीहरूले शिष्ट व्यवहार गर्नुपर्ने र धम्कीपूर्ण भाषा बोल्न नहुने बताएका छन्। माओवादीका धम्कीले नडराउने भन्दै नेपालले थपे- राणा, पञ्चायत र ज्ञानेन्द्रसँग त डराएनौँ, माओवादीका धम्कीले डराउने कुरै आउँदैन।आदिवासी जनजाति उत्थान राष्ट्रिय प्रतिष्ठानको सातौँ सञ्चालक परिषद् बैठकको मङ्गलबार ललितपुरमा उदघाटन गर्दै उनले भने- आगामी जेठ १४ गतेभित्र नयाँ संविधान जारी हुन्छ, यो समयसीमा बढाउने काम कहीँ कतैबाट गरिनुहुन्न।

एकीकृत नेकपा (माओवादी) का लडाकु समायोजन र व्यवस्थापनमा आएको अड्को फुकाउने प्रयत्न भइराखेको बताउँदै प्रधानमन्त्री नेपालले भने- लडाकु समायोजन र व्यवस्थापन नगराई नयाँ संविधान जारी गर्न नसकिने हुनाले यस कार्यमा सरकारलाई सहयोग पुर्‍याउन म सबै राजनीतिक दलसँग आग्रह गर्दछु।

प्रतिष्ठानका अध्यक्षसमेत रहेका प्रधान मन्त्री नेपालले जनजातिका हितको रक्षा गर्न सरकार प्रतिबद्ध रहेको भन्दै यसका लागि आवश्यक कार्यक्रम तय गर्न प्रतिष्ठानलाई निर्देशन दिए।

जातीय विविधताले राष्ट्रिय पहिचान बढ्ने हुँदा एकले अर्कालाई निषेध गर्नुभन्दा सहकार्य गरेर अगाडि बढ्नु जरुरी रहेको धारणा पनि उनको थियो।

काभ्रेली पत्रकार नेपालगञ्जतर्फ

काभ्रे
बनेपा, ११ फागुन
नेपाल पत्रकार महासंघ काभ्रे अर्न्तर्गत रहेका नेपाल पत्रकार महासंघका परिषद सदस्यहरुमध्ये ७ जना महासंघको साधारणसभामा भाग लिन आज नेपालगञ्जतर्फलागेका छन् । साधारण सभामा जिल्ला शाखाका अध्यक्ष सहित परिषद सदस्यहरुले भाग लिन पाउने व्यवस्था विधानमा छ । त्यसअनुरुप काभ्रेबाट शाखा अध्यक्ष भोला थापा लगायत परिषद सदस्यहरु भीम गौतम, सरोज कुइकेल, टी.पी. शर्मा, प्रदिप के.सी., इश्वरी ओझा, प्रल्हाद शर्मा हुमागाई आज दिउँसो नेपालगञ्ज तर्फ लागेका छन् ।

सभाको उद्घाटन प्रधानमन्त्री माधवकुमार नेपालले गर्दै छन् । सभामा विधान संशोधन सम्बन्धी महत्वपुर्ण निर्णय गरिने बताइएको छ ।

विज्ञान प्रर्दशनी हुने

काभ्रे
बनेपा, ११ फागुन
बनेपामा रहेको वेलर इन्टरनेशनल एकेडेमीले विज्ञान प्रर्दशनी कार्यक्रम विद्यालय प्राङ्गणमा आगामी १३, १४ र १५ गते गर्ने भएको छ । विद्यालयले समयको मागअनुरुप प्रयोगात्मक शिक्षा मार्फ विद्यार्थीहरुको अन्तरनिहित ज्ञान, विज्ञान र कला कौशललाई प्रस्फुटित गर्ने उद्देश्यका साथ उक्त प्रर्दशन गर्न लागेको हो । एकेडेमीले आज पत्रकार सम्मेलन गरी उक्त जानकारी गराएको हो ।

प्लास्टिकमा पानी उमाल्ने, धातु पत्ता लगाउने, वाटर साइकल, वाटर लिफ्टर, सोलार हिटर, कपालबाट विद्युत उत्पादन, गोवरसेल, रोवट, हाइड्रो पावर, हाइड्रोलिक क्रेन, प्रकाश संश्लेषण, क्रितिम हिमपात, केवलकार लगायत ३५ वटा स्टलमा प्रर्दशनी गरिनेछ ।

शब्दमा मात्र सीमित हुन लागेका ढिक्की, जाँतो, मान्द्रो, हलो, अनौं, महला, जुवा, हल्लुँडो लगायतका ऐतिहासिक सामग्रीहरु प्रर्दशन गरिनेछ । प्रर्दशनीलाई रोचक बनाउनका लागि विभिन्न खानाका परिकार, किताव प्रर्दशन, लोकगीत लगायत विविध साँस्कृतिक कार्यक्रमहरु हुनेछन् ।

स्वास्थ्यकर्मीद्वारा बालक बलात्कार

बाह्रबिसे,
क्षयरोगको उपचार गराउन आएका बाह्रबिसेका एक बालकलाई स्वास्थ्यकर्मीले नै बलात्कार गरेको घटना सार्वजनिक भएको छ　। उपचार गराउन प्राथमिक स्वास्थ्यकेन्द्र बाह्रबिसेमा आएका १२ वषर्ीय बालक मुकेश तामाङ -नाम परिवर्तन) लाई ल्याब असिस्टेन्ट स...न्तोषकुमार झाले बलात्कार गरेका हुन्　।
स्थानीय शारदा उच्चमाविमा कक्षा चारमा अध्ययनरत बालक मुकेश केही समयदेखि सो स्वास्थ्यकेन्द्रमा डट्स
-स्वास्थ्यकर्मीको प्रत्यक्ष निगरानीमा स्वास्थ्य संस्थामै औषधि सेवन गर्ने विधि) बाट उपचार गराइरहेका थिए　। उपचारकै क्रममा असिस्टेन्ट झाले सोमबार आफूलाई जबर्जस्ती अप्राकृतिक यौनसम्पर्क गरेको मुकेशले बताए　।
मुकेश सहकर्मी राकेश खड्कालाई साथ लिएर सोमबार अपराह्न चार बजे औषधि खान अस्पताल पुगे　। बालकले प्रहरीलाई दिएको बयानअनुसार अस्पतालमा ल्याब असिस्टेन्ट झासँग भेट भयो　। उनले टिबी औषधि खान आएको बताएपछि झाले मुकेशलाई आफ्नो कार्यकक्षमा लगे　। 'कोठामा पुगेपछि ढोका बन्द गरेर एउटा सुई राख्नुपर्छ भन्दै झाले लुगा खोल्न लगाए,' पीडित बालकले प्रहरी बयानमा भनेका छन्, 'त्यसपछि गुद्वारमा औँला छिराउन थाले　।'
मुकेशलाई ल्याबमा लैजाँदा उनका साथी राकेशलाई भने अस्पतालको कम्पाउन्डमै राखिएको थियो　। औंलाको सहायताले गुद्वार खुकुलो पारेपछि झाले अप्राकृतिक यौनसम्पर्क राखे　। 'औँलाले चलाउँदा चलाउँदै एक्कासि मुख थुनेर बलात्कार गरे,' बालकले प्रहरी बयानमा बताए　। यौनसम्पर्कपछि झा आफैँले लुगा लगाइदिएर उनलाई घर पठाएका थिए　।

छोरा बलात्कार भएको थाहा पाएपछि आक्रोशित परिवारले तत्काल अस्पताल गएर झामाथि कुटपिटसमेत गरेका थिए　। घटनाको जानकारीपछि इलाका प्रहरी कार्यालयले बलात्कारी झालाई तत्काल पक्राउ गर्यो　। पीडित बालककी आमा चन्द्रमाया तामाङले त्यसैदिन प्रहरीमा किटानी जाहेरी दिएकी छिन्　।
मंगलबार जाहेरी दर्ता गरेर झाविरुद्ध अप्राकृतिक जबर्जस्ती करणी मुद्दा चलाएको प्रहरी निरीक्षक हरिकृष्ण खत्रीले नयाँ पत्रिकालाई बताए　। बाह्रबीसे प्रहरीको हिरासतमा राखेर उनीमाथि अनुसन्धान भइरहेको खत्रीले जानकारी दिए　। ल्याब असिस्टेन्ट झाले प्रहरी बयानमा बालकसँग जबर्जस्ती यौनसम्पर्क राखेको स्विकारेका छन्　। उनले प्रहरीलाई बयान दिँदै करिब तीन मिनेट यौन क्रियाकलाप भएको पनि बताएका छन्　। 'उत्तेजनाले केही सोच्नै सकिनँ,' झाले बयानमा भने　।

घटनापछि बालकको स्वास्थ्य परीक्षण गरिएको छ भने वीर्य लतपतिएको दुवैको भित्री लुगा परीक्षणका लागि प्रहरीको विधि-विज्ञान प्रयोगशाला पुर्याइएको छ　। स्वास्थ्यकर्मीबाटै बिरामी असुरक्षित भएपछि आक्रोशित स्थानीय बासिन्दाले बाह्रबीसे प्राथमिक स्वास्थ्यकेन्द्रमा ताला लगाएका छन्　। तीन दिनदेखि बन्द केन्द्र अझै खुलेको छैन　।

kavre ko map

चितुवा मार्ने क्रम बढेपछि अनुसन्धान शुरु

लमजुङ...
फागुन ११ गते । लमजुङमा केही समययता आफूखुसी बाघ तथा चितुवा मार्नेक्रम बढेपछि जिल्ला प्रशासन कार्यालय र जिल्ला बन कार्यालयले अनुसन्धान थालेको छ ।

लोपुन्मुख बन्यजन्तु अन्तरगत पर्ने बाघ तथा चितुवालाई हाका हाकी मार्ने र गुप चुपमा राख्ने गरिएकाले यसअघिको अनुसन्धान सफल हुन नसकेको जिल्ला बन कार्यालयले जनाएको छ ।

गत कार्तिक महिनामा परेवाडाँडामा एक, सुन्दरवजारमा दर्ुइ र घलेउत्तरकन्यामा दर्ुइवटा गरि पाँचवटा चितुवा मारिएकाछन् । पछिल्लोपटक गत आईतवारमात्रै र्सर्ूयपाल गाविस ९, सुन्दरडी स्कूलटारमा स्थानीयवासिन्दाले आक्रमण गरेको भन्दै एउटा चितुवा मारेका थिए । यो समेत गरि लमजुङमा स्थानीयवासिन्दाले पाँच महिनाको अवधिमा ६ वटा चितुवा मारिसकेका छन् ।

परेवाडाँडामा जिल्ला प्रशासन कार्यलय लमजुङको आदेशमा चितुवा मारिएको थियो भने सुन्दरवजारमा सिनोमा विषादीको प्रयोग गरेर र घलेउत्तरकन्याको बगुममा स्थानीयवासिन्दाले बन्दुक प्रयोग गरेर चितुवालाई मारिएको थियो । र्सर्ूयपालमा प्रशासन र बन कार्यालयको अनुमति बेगर चितुवालाई स्थानीयवासिन्दाले मारेका थिए ।

स्थानीयवासिन्दालाई दुःख दिएको भन्दै चितुवालाई हाकाहाकी मार्ने र मारे पछि गुप चुपमा राख्ने गरेकाले शिकार गर्नेलाई पक्राउ गर्न नसकिएको जिल्ला वन कार्यलय लमजुङले जनाएको छ । चितुवा मार्ने घटनाक्रमको अनुसन्धान थालिएको र दोषीउपर कडा कार्वाही गरिने प्रमुख जिल्ला अधिकारी होमनाथ थपलियाले वताउनुभयो ।

चितुवा लगायतका दर्ुलभ वन्य जन्तु मार्ने वा घायल वनाउनेलाई वन्य जन्तु संरक्षण ऐन अर्न्तर्गत ४० देखि ७५ हजार सम्म जरिवाना र १ देखि १० वर्षम्म कैद हुने कानुनी व्यवस्था छ ।

क्रसर उद्योगले दोहोरो समस्या निम्तायो

काभ्रे,९ फागुन ,प्रकाश
काभ्रे र सिन्धुपालञ्चोकको सिमानामा पर्ने इन्द्रावती नदीमा खोलिएका क्रसर उद्योगहरुले दोहोरो समस्या निम्ताएका छन् । आधा दर्जनको हाराहारीमा खोलिएका क्रसरहरुले एकातिर्रर् इन्द्रावती नदिलाई उजाड वनाईरहेका छन् भने अर्को तिर इन्द्रावती नदीको वगरमा रहेका ढुंगा, वालुवा तथा रोडालाई अनाधिकृत रुपमा उठाउने कार्यले इन्द्रावती नदीको वास्तविक स्वरुपलाई नष्ट पारिरहेको छ । इन्द्रावती नदीवाट अहिलेकै अवस्थामा रोडा तथा वालुवा झिक्ने काम भयो भने आगामी १० वर्षार् इन्द्रावती नदीनै अस्तित्वविहन वन्ने- स्थानिय वासिन्दाहरु वताउछन् ।

सो क्षेत्रवाट दैनिक सयौ टिप निर्माण सामाग्रीहरु राजधानीमा भित्रिएता पनि सरोकारवाला निकाय मौन रहेकोमा स्थानिय वासिन्दाले आक्रोस पोखेका छन् । क्रसर उद्योगका कारण एकातिर भौतिक सामाग्रीको नष्ट हुने क्रम जारी छ भने अर्को तिर वातावरणलाई प्रदुषित पारेको छ । क्रसर उद्योग नजिक रहेका खेतीयोग्य फाँटहरुमा उत्पादन घट्न थालेको स्थानिय कृषकहरु वताउछन् । क्रसर उद्योगले अनाधिकृत रुपमा झिक्ने निर्माण सामाग्रीका कारणले इन्द्रावती नदी गहिरिने क्रममा त्रि्रता आएको छ ।

जसका कारणले स्थानिय फाँटहरुमा सिचाइको अभाव देखापरेको छ र्।र् इन्द्रावती नदीमा निर्माण सामाग्री झिक्ने क्रम पछिल्लो समयमा वढेकै कारण सिन्धुपालञ्चोकको निर्वाचन क्षेत्र नं १ र २ मा यातायातको प्रयोजनका निर्माणाधिन पक्कीपुलमा असर पारेको छ । अहिलेकै अवस्थामा निर्माण सामाग्रीको प्रयोग वढाउने हो भने सो क्षेत्रमा निर्माणाधिन रहेको पुल तथा सिपाघाट तल्लो बजारको अस्तित्व संकटमा पर्ने छ ।
सिपाघाटमा खोलिएका क्रसहरुले चौतर्फी असर परी रहेको अहिलेको संक्रमणकालिन समयमा क्रसरहरु बन्द गर्नुको सट्टामा नयाँ क्रसर धमाधम खोलिदै छन् । क्रसर उद्योग खोल्नका लागी उद्योगीहरुले जिल्ला विकास समितीको अनुमती लिनु पर्ने प्रावधान छ । सुरुमा एउटा क्रसरले मात्र स्थानिय खनिज पदार्थको उपभोग गर्दै आएकोमा अहिले ७ वटा क्रसर संञ्चालनमा छन् । यस विषयमा जिविस काभ्रे तथा सिन्धुले खासै चासो दिन सकेको छैन ।

एकातिर क्रसर उद्योगले स्थानिय जनताको स्वास्थ्य, कृषि तथा जिवनस्तरमा प्रतिकुल असर पारेको छ भने अर्को तर्फसडक निर्माण भएको आधा शताब्दीमा कालोपत्रेको पहिलो चरण सुरु गरेको चर्चित मेलम्ची खानेपानी आयोजना जोड्ने सडक खण्डहरमा परिणत हुदै छ । काभ्रेको जिरोकिलो देखी सिन्धुपालञ्चोकको मेलम्ची बजार सम्म पुग्ने २३ किलोमिटर सडक खण्डमा कालोपत्रेका लागी निर्माण कार्य सुरु भएको २ वर्षपुरा हुनै लाग्दा सडकको अस्तित्वनै संकटमा परेको छ ।

सिपाघाटमा खोलिएका क्रसर उद्योगमा उत्पादन भएका निर्माण सामाग्रीहरुको अत्याधिक भार वोकेका टि्रपरहरुले हेलम्बु सडकलाइ क्षतविक्षत वनाएको छ । क्रसर उद्योगमा उत्पादन भएका निर्माण सामाग्रीले हेलम्बु राजमार्गमा मात्रै हैन अरनिको राजमार्गको सडक खण्डमा असर पारेको छ । यसको प्रत्यक्ष असर जिरोकिलो देखि काठमाण्डौ सम्मको देब्रेपट्टीको वाटो भासिएको छ । क्रसर उद्योगका टि्रपरहरुले न्युनतम २० टन देखि २५ टनसम्म वोक्ने गरेका छन् ।

यसका लागी स्थानिय प्रशासनहरु मौन छ । स्थानिय बासिन्दाहरुले केही आवाज उठाउने प्रयास गरेता पनि जिरोकिलो देखि सिपाघाट बजार सम्म रहेका टोले गुण्डाहरुले क्रसर उद्योग सँग मासिक हप्ता असुल्ने गरेकाले सडक सुधारका लागी एकिकृत प्रयास बन्न सकेको छैन ।

सुत्केरी महिलाहरुलाई निशुल्क एम्बुलेन्स

महादेवस्थान, १० फागुन
श्रीपंञ्चकन्या महिला विकास बहुउदेश्य सहकारी संस्था लिमिटेडको साधारण सभाको अवसरमा संस्था सँग आबद्ध महिलाहरुलाई निशुल्क एम्बुलेन्स सेवा प्रदान गर्ने योजना अगाडी सारेको छ ।संस्थाको सातौ बाषिर्क साधारण सभाको अवसरमा शुक्रवार संस्थाले यस्तो योजना अगाडी सारेको हो । संस्थाको साधा।ण सभाको अबसर छोपि संस्थामा सदस्यता विस्तार गर्ने उद्देश्यले निशुल्क एम्वुलेन्स सेबा प्रदान गर्ने निर्णय गरेको हो

। महिलाहरुको सिप, साधन, पुँजीलाई एकिकृत पारेर ठोस योजना वनाउनका लागी आज भन्दा ७ सात वर्षअगाडी स्थापना भएको सहकारीको साधारण सभामा महिला विकास कार्यालय काभ्रेका सुपरभाईजर मैयाँ दाहालको प्रमुख आतिथ्यता ग्रहण गर्नु भएको थियो । रानिटार दुग्ध उत्पादन सहकारीको सभाहलमा भएको साधारण सभामा स्थानीय पशुसेवा कार्यालयका प्रमुख बिल्टुप्रसाद यादव, समाजसेवी बन्द्रीप्रसाद लम्साल, प्रतिभा सहकारीका अध्यक्ष सुरेन्द्र पौडेल, सहजकर्ता जानुका पौडेल, शेयर सदस्य निर्मला शाही, लगायतकाले शुभकानमा मतव्य राखेका थिए ।


कार्यक्रममा संस्थाको उपाध्यक्ष सुधा पौडेल, सचिव मन्दिरा सापकोटा, कोषाध्यक्ष संगिता पौडेल, लेखा समितीको संयोजक सिता सापकोटा, शारदा पराजुली लगायतकाल मतव्य राखेका थिए । कार्यक्रम संस्थाका अध्यक्ष अम्बिका हमालको सभापतित्वमा सम्पन्न भएको थियो ।

काभ्रेमा बन्दको असर सामान्य

बनेपा, १० फागुन
राष्ट्रिय प्रजातन्त्र पार्टी नेपाल कमल थापा पक्षले आज गरेको उपत्यका बन्दका कारण काभ्रेको जनजीवनमा सामान्य असर परेको छ । संघियता र हिन्दु राष्ट्रको माग गदैँ आहृवान गरिएको उपत्यका बन्दको असर काभ्रेमा सामान्य रुपमा रहेको छ । उपत्यका बन्दका कारण आज काठमाडौबाट अरनिको राजमार्ग भएर सिन्धुपाल्चोक, काभ्रे, दोलखा र रामेछाप लगायतका जिल्लामा जाने यात्रुवहाक तथा र्सार्वजनिक यातायातका साधन चल्न सकेनन् ।

उपत्यका बन्द भएपनि राष्ट्रिय प्रजातन्त्र पार्टी नेपालका केहि कार्यकर्ता आज विहान देखि नै काभ्रे र भत्तपुरको सिमा साँगा गेटमा बसेका थिए । साँगामा बसेका बन्दकर्ताले यात्रुवहाक र र्सार्वजनिक यातायातका सवारी साधन उपत्यका प्रवेश गर्न दिएका थिएनन् भने मेटरर्साईकललाई भने बन्दकर्ताले सजिलै उपत्यका छिर्न दिएका थिए ।

बन्दकर्ताले दिउँसो करिव ४ बजे तिर काठमाडौबाट बनेपातर्फ आउँदै गरेको बा १ झ ५४६६ नम्बरको ट्याक्सीलाई रोकी ट्याक्सीमाथि तोडफोड गर्न खोजेपछि शसस्त्र प्रहरी र बन्दकर्ता विच केहि समय भनाभन परेपछि शसस्त्र प्रहरीले बन्दकर्तालाई लखेटेको थियो । उपत्यका बन्द भएपनि बनेपा, धुलिखेल, पनौती, बनेपाबाट विपि राजमार्ग भएर चल्ने यातायातका साधनहरु चलेका थिए ।

व्यवस्थित हुन सकेन बनेपाको ढल निकास

बनेपा, १० फागुन
शहरी तथा वातावरणीय सुधार परियोजना अर्न्तर्गत ४ बर्षअघि शुरु भएको बनेपाको ढल निकास तथा कृतिम सिमसारको निर्माण अझै पूरा हुन सकेको छैन । बनेपालाई नमुना शहरको रुपमा चिनाउने प्रयास अर्न्तर्गत गर्न लागिएको ढल निकास र कृतिम सिमसार निर्माणका लागि तोकिएको समय सकिदा पनि निर्माण कार्य भने सकिएको छैन । जनसंख्याको अनुपातमा ढल निकासको राम्रो व्यवस्था नहुदाँ बनेपामा बस्ने स्थानीय बासिन्दालाई मात्र नभई बाटोमा हिड्नेलाई पनि समस्या परिरहेको छ ।

ढल निकास र कृतिम सिमसारका लागि नगरपालिकासँग छलफल गरी कामहरु अगाडि बढाइरहेको दलीय संयन्त्रका प्रतिनिधी तुलसी नारायण श्रेष्ठ बताउँछन् । शहरको सुन्दरतालाई बचाई राख्न र ढल निकासलाई व्यवस्थित बनाउन दवाव दिने र काम भए नभएको हर्ने गरेको श्रेष्ठको भनाई छ । स्थानीय वासीहरुले चासो नदिएकाले पनि काममा ढिलाई भएको उनी बताउँछन् ।
नगरपालिकाकै हेरफेरमा रहेर शहरी विकास तथा वातावरणीय परियोजना अर्न्तर्गत कामहरु भईरहेको नगरपालिकाका कार्यकारी अधिकृत महेश बराल बताउँछन् । कामदारहरु र सामानहरुको अभावका कारण मात्र चाडो निर्माण हुन नसकेको बरालको धारणा छ । बनेपामै ३ ठाउँमा कृतिम सिमसारको निर्माण गर्ने सोचका साथ परियोजना अगाडि बढिइरहेको पनि बरालले बताए ।

उपभोक्ताहरुको आवश्यकता अनुसार नै कामहरु भईरहेको परियोजना व्यवस्थापक दिनेश कृष्ण श्रेष्ठ बताउँछन् । परियोजना मुताविक नै काम गरिराखेको बताउने श्रेष्ठ काममा ढिलासुस्ती नभएको र कृतिम सिमसारका लागि आवश्यक ठाउँको व्यवस्था गरिएको बताउँछन् । नगरपालिकाले ढल निकासको व्यवस्था पनि गर्न नसकेको गुनासो भने जनताहरुले गरिइरहेकै छन् । राजनितिक दलका कारण विकास निर्माणका काममा ढिलाई भईरहेको दलीय संयन्त्रका प्रतिनिधी लम्वोदर कायस्थ बताउँछन् ।
ढल निकास व्यवस्थापनमा स्थानीय वासीहरुले ध्यान नदिनाले पनि ढिलाई भईरहेको कायस्थ बताउँछन् । समयमै निर्माणका कामहरु हुन नसक्दा र बनेका ढलहरुको पनि मर्मत कार्य नहुदाँ ढलहरु फुटेर सडकमै छताछुल्ल हुने स्थिति छ ।

चार वर्षअघिदेखि थालनी भएतापनि काम चारभागको एकभाग पनि हुन सकेको छैन । दलीय संयन्त्र र नगरपालिकाका कर्मचारी तथा परियोजनाका कर्मचारीहरुले जति नै काम गरेका छौ भनेतापनि बनेपाको ढलनिकास को व्यवस्थापन हुन सकेको छैन । बर्षाको समय ठाउँ ठाउँमा फुटेका ढलहरु सिधै सडकबाट बग्ने निश्चित छ ।